Kooxda MAASHAA ALLAAH oo afka ciidda u dartay kooxda Gaalkacyo

Tartankii ACCORD CUP-ka ee ka socday magaalada Kampala ee dalka Uganda oo heer gebogebo ah maraya ayaa waxaa maanta cayaar kulul ay dhex martay kooxaha MAASHAA ALLAAH IYO GAALKACAYO.

Cayaarta oo ahayd mid aad u xiiso badan ayaa waxaa gool la hor maray qeybtii hore ee cayaarta kooxda Maashaa Allaah waxaana u dhaliyay ciyaaryahan Xaaji oo gool caaqiibo leh ku hubsaday shabaqa kooxda Gaalkacayo.

Markii ay daqiiqado socotay ayaa waxaa kooxda Gaalkacayo u suuragashay inay gool barbar dhac ah dhaliyaan, waxaana u dhaliyey cayaaryahan Yaasiin balse mar kale ayay kooxda Maashaa Allaah heshay gool kale oo uu shabaqa la helay cayaaryahan  Yuusuf, waxaana lagu kala nastay 2 – 1 oo ay hogaanka ku heysay kooxda Maashaa Allaah.

Markii la isku soo laabtay qeybtii dambe ayaa waxay kooxda Gaalkacyo sameysay dadaal dheer waxayna heleen goolka bareejada 2 – 2 waxaana u dhaliyay cayaaryahan Saciid,   mar ay cayaarta gabagabo ku dhowdahay ayaa waxaa dardar kulul la yimid kooxda Maashaa Allaah oo weerarkeeda dhaqaajisay waxaana u suuragashay goolkii guusha  oo uu dhaliyay  cayaaryahanka Abuukar. Ciyaartiina waxay ku soo idlaatay 2-3 oo ay guusha ku raacday kooxda Maashaa Allaah oo  u soo baxday finaalka.

Maalinka berry ah ayaa waxaa wada cayaaraya kooxaha Elman iyo Dabka, middii soo badisana waxay la cayaareysaa kooxda Maashaa Allaah oo bannaanka taagan.